تراهن وزارة التربية والتعليم، على التابلت، في نجاح النظام الجديد للثانوية العامة، الذي بدأ تطبيقه على طلاب الصف الأول . ويعتمد النظام الجديد للثانوية، بشكل أساسي على تغيير طريقة الامتحانات لتقيس الفهم والذكاء بدلا من الحفظ، على أن يكون الامتحان إلكترونيا بواسطة التابلت بما يضمن القضاء على التسريب والغش.
وقال أحمد خيري المتحدث الرسمي باسم وزارة التربية والتعليم والتعليم الفني خلال مداخلة تلفزيونية، إن الوزارة حرصت على توفير «تابلت» على أعلى مستوى من المواصفات والجودة لطلاب المرحلة الثانوية بهدف ربط الطالب بوسائل التعلم المختلفة.
معلومات تشمل مواصفات ومميزات ونظم تابلت الثانوية العامة:
المواصفات التقنية للتابلت :-
الاسم : Samsung Galaxy Tab A 10.1
مقاس الشاشة 10.1 بوصة
دقة الشاشة : 1200 :1920 بيكسل
الرام : 2 جيجا & 3 جيجا
المعالج : Octa-core (4×1.6 GHz Cortex-A53 & 4×1.0 GHz Cortex-A53)
نظام التشغيل : Android 6.0 (Marshmallow)
الكاميرا الامامية : 2 ميجا ( متقدرش تستخدمها )
الكاميرا الخلفية : 8 ميجا ( متقدرش تستخدمها )
الذاكرة الداخلية : 16 جيجا لنسخة 2 جيجا رام || 32 جيجا لنسخة 3 جيجا رام .
البطارية : Li-Ion 7300 mAh
المصدر : طبقا للموقع الرسمي لسامسونج
اولا نظرة عامة علي التابلت :- 
1- التابلت من انتاج شركة «سامسونج» ويحمل اسم موديل «galaxy tab a» بحجم شاشة 10.1 بوصة ومن انتاج عام 2016.
2- لا يمكنك استخدام الكاميرا الخاصة بالتابلت ولا البلوتوث .
3- في حالة تغيير اي اعدادات خاصه بالسوفت وير سواء تعديل او اعاده تثبيت روم او اصلاحة باي محل صيانه يخرج التابلت من المنظومة الخاصة بالوزارة فورا .
4- مزود بإنترنت سرعة 4g للاستخدام داخل المدرسة فقط وخارجها يمكن للطالب استخدام شريحة الداتا الخاصه به.
5- لن يحتوي أي من البرامج الموجودة في باقي الأجهزة العادية كبرامج وتطبيقات التواصل الاجتماعي مثل فيسبوك وتويتر وإنستجرام وسناب شات وواتساب وغيرها.
6- يعتمد الطالب على شريحته الشخصية خارج المدرسة للاتصال بالانترنت.
7- كما زودت وزارة التربية والتعليم والتعليم الفني الأجهزة ببرنامج الحماية من الفيروسات «Antivirus & SOC» وتطبيق نظام إدارة الأجهزة اللوحي «MDM» وتطبيق نظام المعلومات الأمنية وإدارة الأحداث «SIEM».
8- يسلم التابلت للطلاب مجانًا شرط دفع مبلغ 100 ج كتامين سنوي تدفع في احد مكاتب البريد ويتم استلام التابلت بهذا الايصال فقط.
9- يحتوي على المناهج التعليمية والعديد من الفيديوهات والوسائل التعليمية الشيقة.
10- يقدر سعر التابلت في سوق الأجهزة العالمية حسب موقع امازون بحوالي 170 الي 200 دولار أي ما يوازي حوالي 3500 جنيه مصري.
نصائح هامة جداا عند استلام التابلت للطلبة واستخدامه بشكل عام :-
1- لازم عشان تستلم التابلت من المدرسة تروح الأول تعمل إيداع 100 جنيه في أي مكتب بريد تحت بند تأمين التابلت جميع المكاتب عندهم علم بالموضوع دهوهيدوك إيصال هو ده الي هتستلم بيه التابلت من المدرسة .
2 – ونركز هنا جدا عشان الموضوع ده مهم جدا لازم الشخص الي هيستلم التابلت سواء الطالب أو ولي الأمر و هو بيستلم التابلت هيمضي بالإستلام جنب إسم الطالب وجنب إسم الطالب هيكون فيه رقم سيريال عبارة عن حروف وأرقام لازم يتأكد إن السيريال ده مطابق للسريال الي علي علبة التابلت مطابق للسريال الي علي التابلت نفسه من جوة لأن لو مش مطابق ده معناه إنه إستلم تابلت خاص بطالب تاني وساعتها كل النتائج والإمتحانات الي هتنزل هتكون مش بتاعته وهتروح لطالب تاني ومش هيكتشف ده غير في نهاية الترم مع ظهور النتائج بكرر تاني كل طالب ليه رقم سيريال لازم يتأكد منه عشان ده الي هيبقي عليه كل النتائج والإمتحانات الخاصة بيه .
3 – التابلت نازل بنظام خاص بوزارة التربية والتعليم عليه حماية لازم تتأكد إنها موجودة منها : الكاميرات الخاصة بالتابلت مش هتبقى شغالة – البلوتوث الي في التابلت مش هيبقى شغال – التابلت هيبقي فيه مكان للخط لكن مش هيكون بيقرأ أي شريحة أو خط لو إستلمت تابلت فيه الحاجات ديه شغالة يبقي التابلت ده غير مدرج في منظومة الوزارة ومش هينزل عليه أي منهج أو إمتحانات وساعتها لازم تتوجه لأقرب فرع من توكيلات سامسونج المعتمدة لحل المشكلة ديه.
4- التابلت عليه ضمان 3 سنين من سامسونج ضد عيوب الصناعة وأي مشكلة صناعة فيه هتتحل مجانا فرجاءا ما حدش يودي التابلت لمحلات برة … ولو فيه أي مشكلة يسلمه لاي فرع من توكيلات سامسونج دا بعد الرجوع للفني المختص الي هيكون في كل مدرسة طبعا .
5- التابلت هيكون معاك لمده 3 سنين مده دراستك في المرحلة الثانوية فحافظ عليه بكرر انت في مصر فحافظ عليه .
6- التابلت موديل قديم نسبيا انتاج 2016 فمتغطش عليه في الشغل او تحمل برامج تقيله ( متحملش بابجي مش هتشتغل هههه ) .
7- التابلت مفيش عليه طبقه حماية للشاشة ففك كيسك واشتري انت .
8- التابلت عليه حماية ضد البرامج والمميزات الترفيهية بشكل عام زي الكاميرا والبلوتوث وتنزليل برامج السوشيال والشات الخ فماتحاولش تنزل ليه سوفت علشان تشغل الكلام دا علشان التابلت بعدها هيخرج فورا من السيستم بتاع الوزارة .
إرسال تعليق